Die Wandelende Jood – Sandra Prinsloo – Olga Kirsch se afrikaanse poësie
  • 27
  • 08

 

“Die hart ’n droë blaar”: Verlies, rou

en melancholie in Olga Kirsch se

Afrikaanse poësie

 

Sandra Prinsloo vertolk die Joodse stem van Olga Kirsch in Afrikaans.

Olga Kirsch verlaat Suid-Afrika in 1948 op die ouderdom van 24 om haar in die nuut-gestigte onafhanklike Israel te vestig, maar sy skryf steeds in Afrikaans om haar diepste ervarings te verwoord: haar passie vir haar mense en haar geloof, haar heimwee en verlange, die afsterwe van haar ouers – ’n dikwels hartseer-stem van ’n komplekse mens en digter. 

 

Ek weet wat droogte is

Ek ken die suidewind

Wat waai uit die woestyn

En alle vog verslind,

Van die leë koringaar

Die grond ‘n skurwe kors

Die hart ‘n droë blaar.

 

Kom luister na Sandra Prinsloo se voorlesing van die gedigte waarin Olga inreik na haar eie siel in die taal van haar jeug in Suid-Afrika: Afrikaans. En haar ewige verlange terug na Suid-Afrika:

 

Maar ek onthou die reën

Onthou die westewind

Swaarweer wat nader dreun

Bliksems wat wit verslind

Die takke nat en swaar

Die vlaktes plas aan plas

Die hemel hoog en klaar

Die blare blink gewas

 

Chris Van der West

weef joodse melodie saam met die digkuns

op sy keltiese harp

Die Wandelende Jood

Sondag 25 Oktober 15:00 – Kaartjies R120

 

Informasie & Besprekings

https://www.webtickets.co.za/event.aspx?itemid=1502914371

theatre@foxwood.co.za

 

Daar sal ‘n middagete wees van 12:30 af.  Besprekings noodsaaklik!

Feesaanbod: ‘n Driegangmaal vir R180